TERRACYCLE
Ikasturte hontan idazteko tresnen birziklapena egiten hasi gara. Errotulagailuak, boligrafoak tipexak…. jaso ditugu Elgoibarko gainontzeko ikastetxeekin batera. Terracycle enpresak batu ditu, ondoren eguneroko erabilpenerako produktuak egiteko eraldatuko ditu, hala nola, aulkiak, bankuak…
Eskerrik asko ekarpena egin duzuen guztiori eta jarraitu datorren ikasturtean ere bai.
SAN LORENTZO ERREKAREN ANALISIA
Egun hauetan DBH3. mailako ikasleek San Lorentzo ibaiaren ingurumen- egoera aztertzeko ikerketa egin dute daraman uraren kalitatea nolakoa den jakiteko. Emaitzak ez dira batere faboragarriak izan, kutsatuta dagoela adierazten baitute.
Bide batez, ibaiaren garbiketa egin dute, ikastolako confintean ateratako proposamena neurri batean gauzatuz.
Hona hemen zenbait argazki eta analitikaren emaitza:
TAPOI BILKETA
Eskerrak eman nahi dizkizuegu plastikozko tapoiak Ikastolara ekarri dituzuenori.
Bete ditugu beste 2 poltsa handi.
Tapoi hauek ez dira ozeanoetara iritsiko, ezta ere zabortegietara. Birziklatu eta beste funtzio bat betetzeko eraldatuko dira.
Bide batez, beharra duen ume bati diruz lagunduko zaio.
Jarraitu erdiko aretoko ontziak plastikozko tapoiz betetzen eta oraindik ez baduzue ekarri, ANIMATU zaitezte.
Gogoratu boligrafoak, errotulagailuak… ere bai batzen ditugula. Etxean dituzuenak ekarri ditzakezue baita ere, datorren astean Terracyclekoek jasoko dituzte eta.
