UDAL BATZAR TXIKIA

Maiatzak 18an  Ikastolako Agenda 21eko ordezkariak Udal batzarrean egon dira ikasturtean zehar herri diagnosiaren inguruan egindakoa azaltzen. 

Aurtengo gaia BIODIBERTSITATEA eta GEODIBERTSITATEA izan dira. Gelatan landu ondoren, Udalean aurkeztu dituzte gai honen baitan ateratako konpromiso eta proposamenak.

MAIATZAK 17 LGTB EGUNA

Maiatzak 17an LGTB fobiaren aurkako eguna izan zen.
Ikastetxeko maila ezberdinetan gaia landu genuen eta ondoren erdiko aretoan marrazki, horma-irudi eta pentsamenduak jarri genituen.

EUSKAL CONFINT 17

Elgoibar Ikastolako ikasleak Busturian egiten den Erkidegoko konferentzian izan dira.

Maiaken Labrador, Malez Zabala, Galder Melika eta Joseba Maguregi joan dira Iraes taldeko ordezkari bezala.

Busturiara, Ikastolako Confintean "palma olioari" buruz idatzitako gutuna eraman dute. Bertan parte hartzen duten beste eskolekin partekatu eta Euskadiko gazteen gutuna sortu dute.